По повеќенеделни операции, градот Фалуџа е целосно ослободен од милитантите на Исламска држава (ИД), соопшти денеска командантот на антитерористичките сили на ирачката војска, Абдул Вахаб ал-Сади.
Тој, како што јавуваат светските агенции, прецизирал дека ирачките сили влегле во северозападниот дел на Фалуџа, кој беше последното упориште на ИД во градот.
„Операцијата која почна кон крајот на мај е завршена и градот е целосно ослободен“, изјавил Ал-Сиди.
Фалуџа, кој се наоѓа на околу 50 километри од Багдад, беше под контрола на ИД од јануари 2014 година.
