Инвестициски самит во организација на Европската банка за обнова и развој (ЕБРД) ќе се случува денеска во Лондон.
Главни теми на средбата на политичките и на бизнис-лидерите ќе бидат можностите за проширување на транспортната мрежа и на регионалното поврзување во Југоисточна Европа, модернизацијата на изворите на обновлива енергија, условите за инвестиции и за водење бизнис во регионот, како и поддршката на директните странски инвестиции и на прекуграничните проекти.