Интерпол издаде потерница со највисок степен на приоритет за четири лица од Северна Кореја во врска со убиството на Ким Jонг-нам, соопшти шефот на малезиската полиција.
Ким Jонг-нам беше убиен на 13 февруари, откако две жени на лицето му нанесоа нервен гас „ве-икс“, на меѓународниот аеродром во Куала Лумпур.
Малезиската полиција минатиот месец побарала помош од Интерпол за да им влезе во трага на осомничените од Северна Кореја, кои побегнале од Малезија веднаш по убиството.
Полицијата идентификувала седум лица од Северна Кореја кои се поврзани со убиството, вклучувајќи и четворица за кои се верува дека се вратиле во Пјонгјанг.
