Мароканецот кој минатата сезона играше како позајмен во Милан, Адел Тарабт, откри дека има контакти со Интер за да премине во клубот.
Тој во моментов е во Квинс парк ренџерс, екипа во која се бори за свое место во првиот тим. Тој соопшти дека одвај чека да го напушти тимот.
– Мојот агент сè уште е во потрага по решение. Мојата цел е да се задржам во Европа – рече тој.
На новинарско прашање дали е вистина дека Интер е заинтересиран за неговите услуги, тој одговори потврдно.
– Вистина е, постојат контакти. Имаат увид во мојата физичка состојба, но сме среде преговори кои вклучуваат и други играчи – рече тој.