fbpx

Иницијативата за спас на зеленилото во Карпош 4 досега собра 2.300 потписи

-

На последниот ден од рокот за потпишување на иницијативата за спас на зеленилото во населбата Карпош 4, до 10 часот утринава, потпишани се 2.300 жители на Карпош. За акцијата да биде успешна, потребно е до крајот на денот да се потпишат вкупно 5.900 граѓани.

На социјалните мрежи се појавија информации за постоење на два списоци, но вработени во Државната изборна комисија -Карпош, каде што се собираат потписите, појаснуваат дека тоа е еден список поделен на два дела за да не се прави метеж при потпишувањето.

– За инцијативата за спас на зеленилото на Карпош постои само еден список. За потпишувањето да оди побрзо, списокот го поделивме на два дела, но бројката е иста. Ако видиме дека има повеќе луѓе што чекаат, тогаш јас земам еден лист од списокот, а колешката друг – вели службеничка од ДИК – Карпош.

Иницијативата ја спореведуваат група граѓани од општина Карпош за да се запре процесот на донесување на деталниот урбанистички план (ДУП) за населбата Карпош 4, каде е предвидено да се изградат станбени објекти и паркиралишта на местото на дрвјата и на зеленилото. Според подносителите на иницијативата, целта на акцијата е враќање на деталниот план во фаза на анкета и на јавна расправа, за жителите да можат да учествуваат во одлуките на Општината.

Потпишувањето се одвиваше од 16 септември заклучно со денеска, во период од 8.30 до 16.30 часот, во просториите на Државна изборна комисија – Карпош во Козле.

Од понеделникот до денеска работното време е продолжено и жителите може да се потпишуваат до 18 часот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...