Стотици илјади луѓе денеска излегоа на повеќе од 600 протести насекаде во светот, демонстрирајќи против изборот на Доналд Трамп за претседател на САД и против политиките што ги застапува.

Организаторите на протестите истакнаа дека не протестираат само како движење насочено против Трамп, туку и против говорот на омраза, реториката исполнета со омраза, омразата кон жените, ксенофобијата, хомофобијата и верската нетолеранција.

Главниот протест се одржува во Вашингтон, каде илјадници луѓе му се приклучија на „Женскиот марш“, на кој меѓу другите се обратија и активистиката за човекови права Анџела Дејвис, пејачката Кејти Пери, филмскиот режисер и продуцент Мајкл Мур и актерките Ешли Џад и Скарлет Јохансон.

https://twitter.com/nickbilton/status/822893227833376768

На „Женскиот марш“ му се приклучија и илјадници луѓе во Австралија и во Нов Зеланд, а протести беа одржани и во Лондон, Париз, Берлин, Амстердам и во други европски градови.