Игри кои излегуваат во октомври со конкретни датуми и најнови трејлери

Во октомври следуваат објави на многу нови игри меѓу кои и Overwatch 2 која ќе биде бесплатна. Веќе е откриен и најнов херој односно хероина наречена Кирико во најскорешниот карактер-трејлер од играта, која ќе излезе на 4 октомври 2022 година и ќе ја ресетира целата фаншиза. Се очекува да има голем број играчи бидејќи претходно се купуваше и беше Buy to play (се купува еднаш и не се доплаќаат месечни претплати) а сега вториот дел од играта што е врзан и со првиот ќе биде бесплатна Free to play.

Секако тие играчи што веќе ја имаат првата Overwatch ќе имаат предности во скинови и други додатоци, но овојпат нема да има loot boxes за отклучување поради целата контраверзија околу таа карактеристика ширум светот. 

Со free to play основниот модел ќе можете да отклучите дел од скиновите во battle pass-от но не и најдобрите. Слично како Battle Pass-от на играта Vampire The Masquerade-Blood Hunt за која имаме и претходен напис и како BattlePass-от на Fall Guys со тоа што претходните играчи на единицата нема да добијат бесплатен Pass како што беше на комичната, друштвена и забавна Fall Guys. 

Сепак скиновите нема да додаваат никакви предности во „демиџ“ или засилувања освен изгледот на ликовите. А и покрај тоа што се работи за мерак на изглед, знае да биде важен фактор за заплашување на противници до тој степен што ако во противничките тимови имаат јаки скинови има и случаи кога се откажуваат другите во сред игра.     

Се очекува Overwatch 2 да направи бум меѓу FPS игрите и да биде една од најиграните вo следниот период. 

A Plague Tale Requiem продолжението на успешната A Plague Tale Innocence за која имаме и претходен напис, покрај далеку подобрената графика и уште подобро сработениот свет, ќе ги користи истите механики, но и ќе додаде нови од кои некои се со ист ефект но други анимации. Оваа игра со „Црната Чума“ многу асоцира на пандемијата и тоа е причина плус зошто е толку добро прифатена. Играта излегува на 18 октомври 2022 година и ќе биде достапна на сите платформи и сервиси.

Uncharted Legacy of Thieves collection излегува на 19 октомври за PC и е практично Tomb Raider со машки лик. Колекцијата ги содржи и насловите: Uncharted 4: A Thief’s end и  Uncharted: The Lost Legacy. Овој наслов претходно беше PlayStation ексклузива но сега на PC ќе можат да се подесуваат многу повеќе графички опции и ќе бара солидна гејминг машина. 

New tales from the Borderlands излегува на 21 октомври. Серијалот Borderlands е детално објаснет во наш претходен напис. Се работи за најново издание на игра со специфичен стил како цртан филм во постапокалиптична атмосфера со многу, многу хумор и многу акција со пукање на безброј комбинации на оружја поради кои играта е позната како „Диабло со пушки“. 

Gotham Knights конечно ќе излезе на 25 октомври. За оваа игра имаме два написи и најави со трејлери во кои можете да прочитате детални информации за самата игра. Сега за сега ви го презентираме најскорешниот трејлер каде поединечно се преставуваат сите ликови што ќе фигурираат во игратa Nightwing, Robin, Batgirl и Red Hood.

Call of Duty Modern Warfare 2 излегува на 28 октомври, а играчите што ќе ја нарачаат пред време добиваат пристап во бетата на играта која веќе трае од 16 септември до сега и два дена играње пред другите. Играта ќе чини 70 американски долари. 

И покрај тоа што оваа игра зафаќа многу простор на хард диск и користи battle pass и исто така бара компјутер со што подобра гејминг конфигурација е една од моментално најиграните друштвени игри со пукање во моментов и котира со голема популарност. Microsoft бидејќи ја купи Blizzard  а Call Of Duty е на нивната платформа Battle.net во бесплатна верзија, има понудено на Sony PlayStation да ја вклучат најновата и сите идни Call of Duty игри во наредните три години на PS конзолите но PlayStation сеуште не одговориле, сепак и не се ентузијастички расположени за таков предлог дека реално Call of Duty игрите на Steam се најскапи наслови воопшто од сите игри на Steam. Инаку од сите пукачки игри кои се играат масовно Call of Duty има “најреален гејмплеј” односно графички е многу добро сработена има particle effects и изгледа доста добро. Тоа што е достапна бесплатно (засега) една верзија на играта која е најиграна Battle Royal (секако по Fortnite)  е голем плус.