Њујоршката полиција верува дека 28-годишниот Ахмад Кан Рахами е одговорен за експлозијата на импровизирана бомба на Менхетен. Ова го соопшти претставникот на полицијата, Питер Доналд.
Градоначалникот на Њујорк, Бил де Бласио, истакна дека осомничениот е идентификуван и дека се работи за натурализиран Американец кој пораснал во Њу Џерси.
Тој додаде дека осомничениот е вооружен и опасен.
Њујоршката полиција ја објави и неговата фотографија.
Во експлозијата на импровизирана експлозивна направа, направена од експрес-лонец, жици и од мобилен телефон, повредени беа 29 лица, а потоа биле пронајдени уште две идентични бомби во близина.
#Breaking: Ahmad Khan Rahami sought in connection to Chelsea bombing. @BilldeBlasio: He could be armed + dangerous https://t.co/l7Wxi7cjsR
— New Day (@NewDay) September 19, 2016