Џихадистичката организација Исламска држава погубила најмалку 13 од 48 новинари, кои ги киднапирала во Мосул, откога нејзините борци во 2014 година го зазедоа вториот најголем град во Ирак, се наведува во извештајот на „Репортери без граници“.

Мосул стана „гробишта на информативната слобода“, стои во документот на „Репортери без граници“ и на нејзината партнерска организација во Ирак, Опсерваторија за новинарски слободи.

– Во него се открива страшното секојдневие на новинарите откако ИД го зазеде Мосул и спремноста за апсолутна контрола на информациите кои излегуваат од градот – изјави претставничката на „Репортери без граници“ за Блискиот Исток и за Северна Африка, Александра Ел-Казен.