Училишниот распуст во Србија ќе биде продолжен поради зголемениот број на болни од грип, информира српското министерство за образование.
Одлуката била донесена во координација со министерството за здравство, па наместо на 9 јануари, учениците ќе тргнат на училиште на 11 јануари. Постои можност рокот уште еднаш да биде продолжен, доколку бројот на заболени се зголеми уште повеќе.
Најмногу заболени има меѓу предшколските и децата кои одат во основно училиште, на возраст од пет до 14 години (околу 12.000), додека меѓу средношколците има околу 3.000 заболени.
Во институтот за јавно здравје на Србија биле пријавени 50.473 болни од грип.
Во Албанија, исто така, е продолжен распустот на учениците поради грипот, но и поради најавениот студ, а во Македонија надлежните велат дека е рано да се размислува за тоа да биде продолжен зимскиот распуст, кој трае до 18 јануари.
