Украинскиот министер за надворешни работи Дмитро Кулеба поднесе оставка, соопшти претседателот на Врховната, рада Руслан Стефанчук.
Оставки вчера поднесоа и потпретседателката на украинската Влада за европски интеграции Олга Стефанишин, министерот за стратешки индустрии Олександар Камишин, минитерот за правда Денис Маљусик, министерот за заштита на животната средина и природни ресурси Руслан Стрлиц и шефот на Фондот за државен имот Виталиј Коваљ.
Зеленски вчера го разреши и Ростислав Шурм од местото заменик на шефот на кабинет на претседателот. И шефот на парламентарната фракција „Слуга на народот“ Давид Арахамија најави оставка, а според неговата изјава, 50 отсто од кабинетот ќе „доживее промена“.
