Ричард Ховит, Кунт Фленкенштајн и Џакомо Филипе, генерален секретар на ПЕС, пратеници од Шведска и претставници на Социјалистичката партија во Финска, ќе бидат гости на СДСМ на масовниот граѓански протест кој е планирано да почне в недела, во 14 часот.
Официјално од СДСМ велат дека нивните колеги ќе дојдат да им изразат поддршка во борбата против режимот, но според неофицијални информации, присуството на „гостите“ ќе ги намали и шансите за насилство на протестите, за кои веќе една недела се шпекулира.
Во видеоспотот за најава на протестот, поддршка даваат и поранешната амбасадорка на Холандија, Симоне Филипини, и Ерван Фуере, поранешен амбасадор на ЕУ во Македонија.