Хакерската група „Анономус“ се приклучи кон божикните кражби на податоци и кибернетските напади што ги почна групата „Лузард сквод“.
На твитер-профилот поврзан со „Анонимус“ е објавено дека во јавност се пуштени лозинки и броеви од кредитни картички поврзани со повеќе од 13.000 кориснички сметки. Станува збор за разни интернет-продавници, плаќање телевизиски услуги и за страници за возрасни.
Меѓу украдените податоци се наоѓаат и лозинки за сервисите „Икс-бокс лајв“ и „Пи-Ес-Ен“, кои за Божик ги урна групата „Лизард сквод“. Врв на сето тоа беше тоа што „Анонимус“ на сервисот „Мега“ постави и поратска копија на новиот филм „Интервју“, кој очигледно е незаобиколен кога станува збор за хакерски напади во последните месеци.