fbpx

И ад хок телото по стапките на Пржино: Нема договор за петтиот член, нова средба утре

-

Заврши средбата на членовите на ад хок телото со директорот на Агенцијата за аудио и аудиовизуелни медиумски услуги, Зоран Трајчевски.

Од привременото тело кое треба да ја контролира работата на медиумите за време на предизборниот период, официјално не откриваат дали на денешната средба постигнале некаков договор.

Цветин Чилиманов, членот на ад хок телото предложен од ВМРО-ДПМНЕ, на својот фејсбук-профил објави дека утре напладне ќе имаат нова средба.

„До заинтересираните колеги, следната ад хок средба е утре во 12 часот“, пишува на страницата на Чилиманов.

Неофицијално дознаваме дека петтиот член кој мора да биде Албанец не е избран и дека и на утрешната средба ќе има само консултации.

Вчера истече последниот рок до кој требаше да се избере петтиот член на ад хок телото, кое треба да ги контролира медиумите во предизборниот период.

Утринава, ВМРО-ДПМНЕ и СДСМ преку соопштенија меѓусебно се обвинија за неуспехот на ад хок телото. Од ВМРО-ДПМНЕ рекоа дека СДСМ се плаши од избори, а од опозицијата обвинија дека владејачката партија не сака во Македонија да има слободни и независни медиуми.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Путин: Немаме намера да нападнеме земји членки на НАТО

Русија нема планови за напад на земјите членки на НАТО и нема да ги нападне Полска, балтичките земји или Чешка, но доколку Западот испорача ловци Ф-16 на Украина, тогаш...