Заменикот помошник државен секретар за европски и за евроазиски прашања на САД, Брајан Хојт Ји, денеска се сретна со јавниот обвинител на Република Македонија, Марко Зврлевски.
На средбата, станало збор за справувањето со тероризмот и за санкционирањето на учеството во странски војски, како и за подготвеноста на Јавното обвинителство на Република Македонија за справување со кривичните дела против изборите.
Освен ова, биле разменети мислења и за соработката помеѓу институциите, вклучувајќи ги и односите меѓу Јавното обвинителство на Република Македонија и Јавното обвинителство за гонење кривични дела поврзани и што произлегуваат од содржината на незаконското следење на комуникациите.
