Хилари Клинтон ќе биде првата жена кандидат за претседател на Соединетите Американски Држави на Демократската партија.
Според наводите на „Си-ен-ен“, Клинтон ја освои претседателската номинација на Демократската партија.
По одличните резултатите во Порторико во неделата и поддршката на суперделегатите, Клинтон беше на добар пат да ја освои номинацијата.
Таа обезбеди 1.812 гласови на делегатите и 572 гласови на суперделегатите, што е вкупно 2.384 делегати, еден повеќе од потребниот број за номинација.
И агенцијата „Асошиејтет прес“ објави дека според нивните податоци, Клинтон освои доволен број гласови за да влезе во трката за претседател на САД.
„Поласкани сме, но имаме уште внатрешни избори кои мораме да ги освоиме“, напиша Клинтон на „Твитер“.
We’re flattered, @AP, but we've got primaries to win. CA, MT, NM, ND, NJ, SD, vote tomorrow! https://t.co/8t3GpZqc1U
— Hillary Clinton (@HillaryClinton) June 7, 2016
Нејзиниот партиски ривал Берни Сандерс ја осуди прераната информација на медиумите, навдувајќи дека Клинтон не може да се смета за победничка во трката за номинацијата пред конвенцијата во Филаделфија на крајот на јули.
Сандерс има околу 800 гласови помалку од Клинтон.
