Обвинителот за воени злосторства на Србија, Владимир Вукчевиќ, изјави дека потерницата за Хашим Тачи сè уште е на сила во Србија и оти би можел да биде уапсен доколку ја посети земјата.

– Централата на Интерпол ја стопираше потерницата за Тачи во други земји со образложение дека станува збор за највисок албански функционер. Сепак, во Србија сè уште е на сила и ако дојде тука, можеме да го уапсиме – рече Вукчевиќ.

Тачи требаше да го посети Белград на 24 април, на покана на невладината организација Младински одбор за образование и да учествува на собирот „ЕУ интеграции на Западен Балкан: заедно можеме подобро“.