Новоизбраниот претседател на Собранието, Талат Џафери, денеска се сретна со еврокомесарот за проширување и за соседска политика, Јохнаес Хан, при неговата официјална посета на Брисел.
Михаел Карнитшниг, шефот на кабинетот на Хан, на својот твитер-профил соопшти дека Хан порачал дека насилството во Собранието е неприфатливо и дека сега треба да се работи на формирање на новата влада.
„Јоханес Хан со новиот спикер на Собранието на Поранешна Југословенска Република Македонија, Џафери: Насилството во Собранието е целосно неприфатливо. На Собранието мора да му биде овозможено да си ја работи својата работа и да допре до институциите. Фокусот сега треба да биде на формирање на владата“, напиша Карнитшниг на „Твитер“.
.@JHahnEU w new Speaker #Xhaferi of fmr Yug Republic of #Macedonia: Violence in #Parliament totally unacceptable. 1/2 pic.twitter.com/mVZ4rcYqdJ
— Michael Karnitschnig (@MiKarnitschnig) May 4, 2017
.@JHahnEU w Speaker #Xhaferi: Parliament must be able to do job, reach out to all citizens. Focus now govt formation. pic.twitter.com/AM7JMxfj8e
— Michael Karnitschnig (@MiKarnitschnig) May 4, 2017
По средбата, од кабинетот на Хан соопштија дека на Собранието мора да му се дозволи да работи непречено, а дека од сите пратеници, вклучувајќи ја и опозицијата, се очекува да играат конструктивна а не опструктивна улога. Од таму ги повикаа сите актери да се воздржат од провокативни изјави и акции.
„Собранието мора да биде форум за дебата за сериозните предизвици со кои се соочува земјата и да ги обезбеди неопходните уверувања за патот кон кој ќе се движи земјата понатака во интерес на сите граѓани и заедници. Комесарот Хан повика сега фокусот да биде на наредните чекори во процесот на формирање на влада, почитувајќи ги парламентарното мнозинство и однесувањето во линија на уставните и демократските принципи“, се вели во соопштението.
Хан предупредил дека секое повторување на случувањата како нападот на пратениците во Собранието минатиот четврток, сериозно ќе ја загрози еворпската перспектива на земјата.