Еврокомесарот за соседска политика и проширување, Јоханес Хан во пресрет на дочекот на Новата година им се заблагодари на сите земји-партнери на Европската Унија, меѓу кои и на Македонија, за соработката во текот на 2017 година и порача дека следната 2018 година ќе биде решавачка за Западен Балкан.
„На крајот на оваа година полна со предизвици сакам да им се заблагодарам на сите наши партнери од нашето непосредно и од поодалеченото соседство за посветената соработка во текот на 2017 година. Да бидеме горди на заедничките достигнувања и да ги засилиме напорите онаму каде сè уште е потребен напредок“, напиша Хан на „Твитер“.
At the end of this challenging year I would like to thank all our #partners in our immediate or more distant #neighbourhood for the dedicated #cooperation throughout 2017!
Let us be proud of the joint achievements and reinforce efforts where progress still needs to be made. 1/2 pic.twitter.com/TVioLztgwp— Johannes Hahn (@JHahnEU) December 31, 2017
„2018 ќе биде решавачка година за Западен Балкан и можност за уште поблиска соработка со сите партнери за справување со заедничките предизвици. Им посакувам на сите партнери – политичари и граѓани мирна и просперитетна Нова година! Ајде заеднички да ја обликуваме иднината, за нашите млади!“, порача Хан.
2018 will be a decisive year f. the #WesternBalkans+an opportunity f. even closer coop. w/ ALL #partners to tackle the common challenges.Thus,I wish all partners-political actors and citizens-a peaceful & prosperous #NewYear! Let’s shape the #future #together, for our #youth! 2/2 pic.twitter.com/6mbSOAOpHJ
— Johannes Hahn (@JHahnEU) December 31, 2017
