Еврокомесарот за проширување и соседска политика, Јоханес Хан, утрово на својот твитер-профил напиша дека без разлика на одлуката на политичките партии, ЕУ ќе овозможи фер избори.
„Ги уверувам граѓаните дека без разлика која ќе биде конечната одлука на политичките партии, ние ќе обезбедиме целосна поддршка за да се гарантираат слободни и фер избори“, напиша Хан.
Reassure citizens, whatever final decision taken by polit. parties, we will provide full support to guarantee free +fair elections. #OHDIR
— Johannes Hahn (@JHahnEU) January 16, 2016
Синоќа четирите политичките партии потписнички на Договорот од Пржино заедно со еврокомесарот Хан, амбасадорот на САД, Џес Бејли, евроамбасадорот Аиво Орав и белгискиот олеснувач Питер Ванхауте, не успеаја да постигнат договор околу датумот на предвремените парламентарни избори.
ВМРО-ДПМНЕ, ДУИ и ДПА се согласни изборите да се одржат на 24 април, а СДСМ е против затоа што смета дека нема услови за фер и демократски избори.
