По протестите вечерва, кои втор ден се одржуваат против одлуката на претседателот Ѓорге Иванов да помилува политичари од судски процеси, на „Твитер“ се огласи еврокомесарот за проширување и за соседска политика, Јоханес Хан, кој порача граѓаните да бидат разумни и да се воздржат од насилство.

– Повик до сите политички партии и разумни граѓани да се воздржат од насилни постапки. Кризата може да биде решена на политички начин. Одговорноста на политичките партии е да се вратат назад на преговарачка маса – напиша Хан на својот твитер-профил.

Еврокомесарот Хан вчера на „Твитер“ објави дека одлуката на Иванов е спротивна на владеењето на правото и изрази сериозен сомнеж дали веродостојни избори сè уште се можни.