Невладината организација Младински форум „Хајат“ од Струга, за утре закажа дебата на тема „Јас го сакам Лабуништа“. Според најавите, дебатата ќе ја отвори Рахим Исламоски, дипломиран инженер по информатички науки.
Од невладината „Хајат“ истовремено алармираат за претворањето на Лабуништа во депонија.
– Додека Велешта се асфалтира, Лабуништа се загадува. Шутот од стариот асфалт од Велешта заврши покрај патот за Лабуништа. Кој го сторил тоа? Зарем на некој Лабуништа му личи на депонија? Очекуваме надлежните институции да преземат нешто, очекуваме месната заедница на Лабуништа, како и Општината Струга да реагираат на ова – информираат од здружението.