Градското собрание ја прифати оставката на гувернерот на Токио, Јошиј Масузе, поради вмешаност во финансиски скандал и обвинувања за наводна злоупотреба на државни средства во приватни цели.
Масузе е обвинет дека користел државни пари за семeјни летувања, купување уметнички дела и за други приватни трошоци. Оставката на гувернерот ќе стапи на сила 21 јуни, јавуваат јапонските медиуми.
Според пишувањата, не е јасно како заминувањето на првиот човек на јапонската претстолнина ќе влијае врз организацијата на Летните олимписки игри 2020 година во Токио.
Масузе значително ја намалил цената на организација на Олимпијадата и инсистирал некои од случувањата да се преселат на стадионите и во објектите надвор од главниот град, наместо да се градат нови терени во Токио.
