Од Министерството за здравство информираат дека е хакирана нивната веб-страна, а во моментов не функционира и сајтот на Министерството за образование и наука.
„Хакирана е и во моментов не функционира веб-страницата на ресорното министерство. Не функционираат ниту службените мејлови на вработените во институцијата“ соопштија од Министерството за здравство.
Како што велат оттаму, во моментов се истражува што точно се случило.
Одговорноста за хакерскиот напад на сајтовите на двете министерства ја презема групата која стои зад профилот ANONOPSMKD. Тие вчера вечерта на својот Твитер профил објавија за нападот врз веб-страните на министерствата.
https://t.co/d8oZCZcXNYhttps://t.co/LORb6QmDSD
Skiddies , a?
— AnonOpsMKD (@MkdOps) July 23, 2020
Претходно, истата група ја нападна и веб-страницата на агрегаторот Тајм.мк во текот на изборната ноќ, кога истовремено падна и сајтот на Државната изборна комисија.
