Голема група, претежно млади Македонци, пред неколку часа излегоа на контрапротест на 500 метри од местото каде што од вчера кампуваат симпатизери на ДУИ со барање да се поништи одлуката за поставување на 55-метарски крст во Бутел.

Во моментов има засилено полициско обезбедување, кое на групата не и дозволува да стигне до привремениот камп на кружниот тек.

Од МВР информираат дека во согласност со процената на ситуацијата, поставен е соодветен број полицајци на местото за да се обезбеди јавен ред и мир.

Во неделата беше поставен и осветен камен темелникот на крстот на инцијатива на Светскиот македонски конгрес (СМК).

Претседателот на СМК, Тодор Петров, истиот ден беше претепан во една скопска кафеана.

Иницијативата на СМК доаѓа по поставувањето на споменикот со двоглав орел во општината Чаир.