fbpx

Груевски во Охрид го означи почетокот на изградбата на затворениот пливачки базен

-

Премиерот Никола Груевски денеска во Охрид свечено го означи почетокот на изградбата на затворениот пливачки базен. Новиот објект се гради во рамките на спортско-рекреативниот центар „Билјанини извори“, каде во летните месеци веќе се користи отворен пливачки базен.

– Комплексот ќе располага со два базени, еден за непливачи и за деца, а другиот ќе биде со ватерполо-димензии – рече премиерот Груевски.

Градоначалникот на Охрид, Никола Бакрачески, истакна дека со изградбата на затворениот базен се исполнува деценискиот сон на охриѓани. Тие добиваат модерен спортски објект кој ќе ги задоволи потребите на граѓаните.

За базенот владата ќе потроши 298 милиони денари, а рокот на изведба е 30 месеци од почетокот на работата.

Затворениот пливачки базен ќе има два базени, фитнес-клуб, продавница за спортска опрема, комерцијален простор, кафуле, центар за здрав живот и магацински простор.

Во објектот ќе има трибини со капацитет поголем од 500 седишта, посебен простор за новинари, фоторепортери и за камермани, како и ложа која ќе биде отворена и со можност за затворање во случај кога ќе треба да се користи, доколку во објектот престојуваат важни гости на спортски натпревари.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Реакции по одлуката Саудиска Арабија да го предводи форумот за правата на жените на ОН

Саудиска Арабија е избрана да биде претседавач со комисијата на Обединетите Нации што ја промовира родовата еднаквост, а одлуката е критикувана од групи за човекови права поради исклучително лошото...