fbpx

Груевски и Кирацовски упатија честитки за празникот Пресвета Богородица

-

Лидерот на ВМРО-ДПМНЕ, Никола Груевски го честиташе празникот Пресвета Богородица и повика на молитва за здравје, мир, спокој, радост, благодети, успеси и спасение за секој човек, секое семејство и целата држава.

„Како народ кој столетија наназад, со неизмерна почит, го слави овој голем христијански празник, денес истовремено ги славиме и традиционалните вредности на нашето општество и на нашите семејства. Во нашите традиционални вредности ликот и личноста на Пресвета Богородица се слика за ликот и значението на жената како мајка и столб на семејството. Вредности кои не движеле низ вековите и кои треба да ни бидат пример за насушно потребното човекољубиво функционирање и во иднина, бидејќи само така ќе се задржиме на вистинскиот пат“, се вели во честитката упатена од лидерот на опозицијата.

Генералниот секретар на СДСМ, Александар Кирацовски по повод празникот побара сплотување околу заедничките вредности што носат меѓусебна почит и напредок.

„Во име на Социјалдемократскиот сојуз на Македонија и во свое лично име ви го честитам денешниот празник Успение на Пресвета Богородица. Во овие мигови на спокој испраќаме порака за сплотеност, посветеност и заедништво кон вистинските вредности. Да бидеме скромни и горди во денешното празнување и да се сплотиме околу заедничките вредности што носат мир, меѓусебна почит и напредок за сите“, вели Кирацовски.

По повод празникот Голема Богородица денеска по 15 пат во Дом на Арм од 9 до 17 часот ќе се одржи традиционалната крводарителска акција во организација на Општинската организација на Црвен крст-Центар во соработка со Институтот за трансфузиона медицина.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...