fbpx

Груевски го информирал Билт за „приоритетите кои ѝ се добро познати на јавноста“

-

Поранешниот премиер и шеф на шведската дипломатија, Карл Билт, вечерва отпатува за Србија, по средбите со лидерите на парламентарните партии во Македонија.

Билт ја заврши својата посета на земјава со средба со лидерот на ВМРО-ДПМНЕ, Никола Груевски, но оттаму не откриваат повеќе датали за средбата.

На прашање на „Мета“ дали ќе има соопштение за средбата, од партијата рекоа дека нема да има и ни ја испратија следнава порака: „Претседателот на ВМРО-ДПМНЕ, Никола Груевски, заедно со членовите на раководството на партијата ги прими претставниците на невладината организација Европски совет за надворешна политика, предводена од Карл Билт. На средбата тој ги соопшти приоритетите на Република Македонија и на ВМРО-ДПМНЕ, кои ѝ се добро познати на јавноста“.

Шведскиот дипломат на одделните средби со лидерите на СДСМ, ДУИ и на Беса, разговарал за политичката состојба во Македонија, за можните решенија за излез од кризата, но и за притисокот врз невладините организации по предвремените парламентарни избори, одржани на 11 декември лани.

Билт рече дека не носи решение, туку дека тука е за да ги сослуша политичките лидери, кои треба да го најдат патот до решението. Сепак, тој на „Твитер“ даде свое мислење за тоа кои се трите клучни точки од кои политичарите треба да се водат при решавањето на кризата.

„Демократија. Устав. Европа. Почитта кон овие три работи ќе ја однесе Македонија напред. Тоа беше мојот одговор на прашањата од новинарите во Скопје“, напиша Билт.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Фотографија од Макрон е креирана со вештачка интелигенција

Ако внимателно ја набљудувате фотографијата на Емануел Макрон, забележливо е дека е создадена од вештачка интелигенција. На пример, претседателот на Франција има неприродно долги прсти на десната рака, а...