Лидерот на ВМРО-ДПМНЕ, Никола Груевски, во писмена изјава до медиумите ја повика Државната комисија за спречување на корупцијата на сите заинтересирани медиуми да им го презентира неговиот анкетен лист.
„Во согласност со обврските, во законски предвидениот рок, уште на 8 февруари 2016 година, до Државната комисија за спречување на корупција (ДКСК) го доставив анкетниот лист. Ја користам оваа пригода да ја повикам јавно Државната комисија за спречување на корупција (ДКСК) на заинтересираните медиуми слободно да го презентира анкетниот лист и имотната состојба што ја имам наведено во него“, пишува во соопштението на лидерот на владејачката партија.
Претходно неколку медиуми објавија дека од ДКСК не можат да го добијат анкетниот лист за имотната состојба на поранешниот премиер.
