fbpx

Грковска: Улогата на жените мора да биде поенергича и одлучувачка

Вицепремиерката за политики за добро владеење, Славица Грковска, учествуваше на конференцијата „Жените и дигитализацијата – надминување на бариерите, отворање можности за унапредување на родовата еднаквост“. Конференцијата ја организираа агенциите на Обединетите Нации UN Women и UNDP во С. Македонија

-

Улогата на жените треба да биде поенергична и одлучувачка, со целосно почитување на човековите права и со искористување на потенцијалот, знаењето и искуството. Ова го истакна вицепремиерката за политики за добро владеење, Славица Грковска, која учествуваше на конференцијата „Жените и дигитализацијата – надминување на бариерите, отворање можности за унапредување на родовата еднаквост“. Конференцијата ја организираа агенциите на Обединетите Нации UN Women и UNDP во Северна Македонија.

Грковска се осврна на родовата еднаквост како синоним на демократијата, правото на избор, слободата, определувањето и вклученоста на жените во општествените процеси.

„Сето ова ќе придонесе жените да станат поодговорни и подобри во содздавањето на заедничкиот свет. Дигитализацијата мора да биде процес кој носи напредок на сите полиња. И тоа е една од причините поради која од септември минатата година го предводам Националниот совет за дигитална трансформација на општеството, чија основна цел е планирање, координирање и реализација на активностите потребни за дигитализација на процесите, како и ефикасно справување со предизвиците што ги носи“, рече Грковска.

Таа кажа дека дигиталната трансформација треба да биде сеопфатна, не само поради исполнување на владината стратешка цел за модерна и ефикасна јавна администрација базирана на дигитализација која дава квалитетни и брзи услуги, туку заради тоа што дигитализацијата е директно поврзана и со други владини цели – економски раст, повисок стандард, поквалитетно образование, владеење на правото.

„Дигитализацијата може многу да помогне во подобрување на состојбите, како што се новите можности за поголемо учество на жените на пазарот на труд. Тоа значи нивно зајакнување, но тоа влијае и на севкупниот економски развој и животниот стандард“, потенцира таа.

Грковска кажа дека важно е што во пресрет на 8 Март, Меѓународниот ден на жената, се дискутира за нешта кои што содржат реални и остварливи, позитивни перспективи за жените.

„Очекувам дека наскоро насилството, прекршувањата на правата, стигмата и предрасудите кон жените ќе станат теми од минатото, а иднината ќе ја планираат и градат заедно и рамноправно и жените и мажите“, беше пораката на Грковска.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...