fbpx

Грчките земјоделци можно е да го блокираат граничниот премин кај Дојран

-

Грчките земјоделци можно е денеска да го блокираат граничниот премин кај Дојран од 11 до 13 часот по македонско време. Според најавите на земјоделците од областа околу Кукуш, планирано е или да се блокира автопатот Солун – Петрич или, пак, да се блокира граничниот премин Дојран – Дојрани.

Во областа кај Кукуш се собрани околу 450 трактори и земјоделци, кои наизменично блокираат разни делови од автопатиштата кон Бугарија и Македонија. Засега нема најава за блокада на Богородица, меѓутоа не е исклучено ни тоа. Блокадите се од 12 до 14 часот и од 19 до 21 часот по локално време.

Земјоделците од цела Грција утре ќе се соберат на голем состанок во Солун, каде ќе одлучат за следните чекори на протестите. Под знак прашалник е и дали ќе останат на идејата да се состанат со премиерот Алексис Ципрас по изјавите од грчката влада кои не влеваат оптимизам дека може да се повлече новиот закон за здравствено и за пензиско осигурување, кој е нивно главно барање и црвена линија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Контраспин: Силјановска не ги седна пензионерите во ложата на „Мапет шоу“

Контекстот во кој претседателската кандидатка на ВМРО-ДПМНЕ ја кажа репликата за „Мапет Шоу“, беше сосема поинаков од оној што го претстави СДСМ. Самата реплика воопшто не се однесуваше на...