fbpx

Грчката полиција ги засилува проверките кај Идомени

-

Грчките полициски сили се засилени поради информациите дека е можен нов протест денеска во кампот кај Идомени. Во Грција има информации дека низ кампот се шират гласини и повици за нов масовен протест покрај македонската ограда.

По седумчасовните инциденти во неделата, во кои се судрија бегалците и македонската полиција, грчката полиција засилено ги проверува сите што доаѓаат во кампот кај Идомени.

Ако претходно немаше никаква проверка и секој можеше да влезе во кампот, сега полицијата ги застанува автомобилите на патот и врши проверка на пасошите и на документите.

Засега во кампот е мирно, меѓутоа изутринава имаше нов судир меѓу Курдите и бегалците од Авганистан.

Грчката полиција сè уште истражува кој ги поттикнува бегалците. Сомнежите се дека се работи за активисти од Германија, Италија, Шпанија, кои можно е да се сместени во хотели во Гевгелија бидејќи потешко е да се најде сместување во Евзони или Поликастро.

Активистите, според информациите, ги делат летоците на арапски јазик и ги подбуцнуваат дека ќе се отворат границите и поттикнуваат на масовни протести и обиди за нелегално преминување на границата.

Според информациите од грчката полиција, активистите можно е да се инфилтрирани преку некои од невладините организации, бидејќи никој не води евиденција, ниту ги регистрира невладините што помагаат во Идомени, вкупно околу 30 во целиот регион.

Инцидентите, мизерните услови за живот и секојдневните проблеми убедија повеќе од 750 бегалци од Пиреја да се префрлат од пристаништето во новиот бегалски центар Скарамага во западните предградија на Атина, целосно нов, со многу подобри хигиенски и хумани услови за живот. Со постепеното префрлање на бегалците, денеска според официјалните информации, бројката на луѓе во Пиреја од повеќе од 5.000 се намали на 3.800 .

Според владините бројки, во Грција има 53.381 бегалец, од кои најголемиот број, 11.194, сè уште се на Идомени.

Грција денеска испрати и нови 72 бегалци од Пакистан и од Бангладеш кон Турција.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...