Веб – апликацијата „МојДДВ“ од денеска е достапна за граѓаните на македонски, албански и англиски јазик, а со тоа и можноста да се има увид во износот за поврат на 15 отсто од ДДВ. Граѓаните ќе можат и да ги бришат оние фискални сметки кои веќе ги скенирале по грешка, со што ќе се овозможи да се надмине опасноста од пишување казни од Управата за јавни приходи (УЈП) за оние фискални сметки кои е недозволено да се скенираат.

Од УЈП информираат дека веб апликацијата „Мој ДДВ“ може да се презеде на линкот којшто е поставен на нивната официјална веб – страница https://mojddv.ujp.gov.mk/.

Од УЈП ги повикуваат граѓаните кои досега на своите паметни телефони не ја презеле апликацијата „МојДДВ“ преку Google play store и Apple store, да го направат тоа и да ги скенираат фискалните сметки со цел да остварат право на поврат од 15 отсто од ДДВ, како и да ги користат услугите коишто ги нуди веб – апликацијата „МојДДВ“.