Непознато лице вчера ограбило куќа во гостиварската населба Осма Зона, соопшти МВР.

Крадецот упаднал во домот на 32-годишниот А.З., при што од метален сеф одзел сума на пари од околу 13,500 евра во разни апоени и златен накит во вредност од околу 15.400 евра.

Како што соопшти полицијата, крадецот влегол во куќата низ незаклучената врата, а по извршеното пребарување и пронаоѓање на украдените работи, го напуштил местото на настанот, стекнувајќи противправна имотна корист од околу 29.000 евра.

Увид на местото на кражбата извршила увидна екипа од СВР-Тетово. Се преземаат мерки за целосно расчистување на случајот.