Регулаторна комисија за енергетика и водени ресурси ги зголеми малопродажните цени на нафтените деривати во просек за 1,53 проценти, во однос на минатата недела.

Малопродажната цена на бензинот „еуросупер БС-98“ се зголемува за половина денар за литар и со тоа новата цена изнесува 63,50 денари.

Малопродажните цени на бензинот „еуросупер БС-95“ и дизелот се зголемуваат за еден денар за литар, и со тоа малопродажната цена на „еуросупер БС-95“ ќе изнесува 61,50 денари за литар, додека малопродажната цена на дизелот ќе изнесува 53,50 денари за литар.