Регулаторната комисија за енергетика и водни услуги (РКЕВУ) на Република Северна Македонија, на денешната седница ги зголеми цените на горивата. Одлуката ќе стапи на сила на полноќ, што значи од тогаш, бензините и дизелот ќе чинат половина денар по литар повеќе.
Малопродажните цени бензините ЕУРОСУПЕР БС-95 и ЕУРОСУПЕР БС-98, како и малопродажната цена на ЕУРОДИЗЕЛ (Д-Е V) се зголемуваат за 0,5 денари/литар.
Со тоа малопродажната цена на ЕУРОСУПЕР БС-95 изнесува 67,5 ден/лит, малопродажната цена на ЕУРОСУПЕР БС-98 изнесува 69,5 ден/лит, додека малопродажната цена на ЕУРОДИЗЕЛ (Д-Е V) изнесува 60 ден/лит. Малопродажната цена на Екстра лесното масло за домаќинство (ЕЛ-1), не се менува, односно и понатаму е 59 ден/лит.
Малопродажната цена на Мазутот М-1 НС се зголемува за 0,262ден/кг и од полноќ ќе изнесува 33,881 ден/кг.
