Од ноќеска се намалуваат цените на сите нафтени деривати.
Регулаторната комисија за енергетика и водни услуги (РКЕВУ) соопшти дека намалувањето, во просек, е за 2,1 отсто во однос на одлуката од 24 февруари.
За денар и половина поевтинуваат бензините Еуросупер БС-95 и Еуросупер БС-98, потоа Еуродизел и Екстра-лесното масло за домаќинство.
Новите цени на горивата на бензинските станици од вечерва ќе бидат: Еуросупер БС-95 – 77,5 денари за литар, Еуросупер БС-98 – 79,5 денари за литар, Еуродизел – 72 денари за литар, Масло за горење – 71,5 денари за литар и Мазут – 44,952 денари за литар.
