Мажите доминираат во органите на управување на акционерските друштва што котираат на Македонската берза, покажува родовата анализа што ја објави берзата. Во вкупно 98 котирани компании се евидентирани вкупно 632 лица-членови на органи на управување.
Од вкупниот број членови на органи на управување во котираните компании само 24,2 отсто се жени. Уште е помал бројот на жени на повисоките раководни места. Од вкупниот број извршни директори или претседатели на управни одбори на компаниите од берзата само 15,3 отсто се жени.
Според дејноста, најголема родова нееднаквост се забележува во компаниите коишто се занимаваат со трговија на нафта и нафтени деривати. Имено, во управните органи на двете компании од оваа дејност коишто котираат на берзата, учеството на мажите е 94,4 отсто, а на жените само 5,6 отсто.
