fbpx

Голема полициска акција во Париз, најмалку двајца убиени

-

Најмалку двајца осомничени се убиени при претрес во стан во париското предградие Сен Дени, во полициска акција за апсење осомничени за терористичките напади што во петокот минатата недела се случија во француската престолнина, јавуваат светските медиуми.

Меѓу убиените, како што јавува „Би-Би-Си“, е и една жена, која се разнела самата, активирајќи самоубиствен елек.

Полициската операција почнала утрово, околу 3.30 часот, според средноевропско време, по што се слушнале серија експлозии и пукотници. Во акцијата, според првичните информации, биле ранети двајца полицајци.

Според француските медиуми, во акцијата биле уапсени тројца осомничени. Во фокусот на полицската операција, според медиумите, е потрагата по Абделхамид Абаод, припадник на Исламаска држава, за кого постојат сомневања дека е мозокот на терористичките напади во Париз во кој загинаа 129 луѓе.

Патиштата околу Ру де ла Републик во Сен Дени, истата област кај стадионот „Стад де Франс“, каде се случи еден од нападите во петокот, се блокирани, а заменик-градоначалникот, Стефан Пу, ги повикал локалните жители да останат во своите домови, со објаснување дека „не станува збор за нов терористички напад, туку за полициска акција“.

„Се слушаат пукотници постојано, како да станува збор за огномет“, изјавил жител на предградието за „Би-Би-Си“.

Според првичните информации, се верува дека во станот кој е цел на полициската рација има најмалку петмина осомничени.

Дваесет и седумгодишниот белгиец Абделхамид Абаод, за кого се сметаше дека ги организирал нападите од Сирија, сега се верува дека е во еден од становите во Сен Дени.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Мицкоски на средба со амбасадорите на државите членки на ЕУ

Премиерот Христијан Мицкоски денеска се сретнал со амбасадорите на државите-членки на Европската унија. Тие разговарале за актуелната политичка и економска состојба во земјата, како и за напредокот на државата...