fbpx

Годинава целосно ќе се реконструира оштетениот дел од патот Градско – Прилеп

-

До крајот на месецов треба да заврши реконструкцијата на магистралниот пат Дреново – Фариш во должина од 9,1 километри. Проектот вреден 1,5 милиони евра ќе обезбеди зголемување на безбедноста во сообраќајот и побрза патна врска на Пелагонискиот регион со останатиот дел од земјава, информираат од Министерството за транспорт и врски. Увид во градежните работи на терен денес извршија министерот за транспорт и врски Горан Сугарески, директорот на ЈП за државни патишта Зоран Китанов и прилепскиот градоначалник, Илија Јованоски.

– Сакам да потенцирам дека и делот од Фариш до Прилеп ќе се рехабилитира околу 19 километри, ЈПДП кон крајот на март или април ќе го објави тендерот, така да ќе имаме реконструкција на целата патна врска до Прилеп – изјви министерот Горан Сугарески.

Градежните работи на делницата од Фариш до Прилеп треба да се завршат до крајот на оваа или на почетокот од 2021 година. Постојниот магистрален пат треба да биде алтернативен патен правец на идниот експресен пат Градско – Прилеп, којшто во моментов се изведува на терен.

Од ЈП за државни патишта и денес повторија дека се подготвува тендерската документација за доградба на првата фаза од експресниот пат меѓу Дреново и Фариш, а во меѓувреме непречено се одвива изведбата на втората фаза од Градско до Дреново.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...