Македонските скејтери вечерва ќе го одбележат Меѓународниот ден на скејтбордингот („Go Skateboarding Day“) во Градскиот парк. Настанот ќе започне во 19 часот на плочникот пред споменикот на Гоце Делчев, а е во чест на прерано починатиот скејтер Филип Матески – Мате којшто почина минатиот месец по тешко боледување.
Покрај скејтерското возење и оддавањето почит кон Мате, во Градскиот парк вечерва ќе има и изненадувања од локалните скејт шопови во Скопје, наведуваат организаторите во поканата до сите скејтери и заинтересирани лица за скејтбордингот.