Синоќа, околу 19.30 часот, К.Д. (21) од Скопје, пријавил во полиција дека истиот ден околу 18.40 часот телефонски му се јавило лице со кого се знаел од претходно и му рекол да излезе на улица за да разговаат во врска со кражба на стиропор. Лицето што го контактирало оштетениот телефонски, пристигнал со возило „ауди -А3“, во кое имало уште три непознати лица. Откако К.Д. им рекол дека во врска со кражбата на стиропор не знае ништо, едно лице излегло од возилото и без повод и причина му удрил шлаканица и тупаница, а потоа насилно го внеле во возилото каде физички го малтретирале и го оставиле во населбата Кисела Јабука.
По преземени мерки, повикани се четири лица на разговор, а по целосно документирање на случајот, ќе биде поднесен соодветен поднесок.