Реномираниот германски гудачки квартет „Minguet Quartett“, ќе одржи концерт во Македонската филхармонија, утре (2 јули) со почеток во 19.30 часот.
Сите љубители на класичната музика ќе имаат ретка можност да уживаат во неповторливата изведба на музиката од Клара и Роберт Шуман и Јоханес Брамс.
„Основан во 1988 година Minguet Quartett ја црпи својата инспирација од класично-романтичната музика, како и современата музика. Дополнителна инспирација се и современите музичари и нивното творештво, кое поттикнува создавање на нова фузија од музички тонови.Влезот за концертот е слободен“, информираат организаторите од „Гете Институтот“ во Скопје, кои покрај изучувањето на германскиот јазик, креираат и поддржува проекти од областа на културата, образованието, иновативни процеси и нивна презентација во уметноста, науката и медиумите, како и поддршка на внатрешно – европскиот дијалог и проекти од мултикултурализмот.
Преку проектите од културата поттикнуваат културна соработка помеѓу уметниците од земјава и од Сојузна Република Германија.
