fbpx

Германија се интересира за напредокот во преговорите за името

-

Грчко-македонските односи и преговорите за решавање на спорот за името беа една од клучните теми на разговор во Берлин меѓу грчкиот заменик-министер за надворешни работи задолжен за европски прашања, Никос Ксидакис, и неговиот германски колега, заменик-министер за европски прашања Мајкл Рот.

Рот се интересирал за грчката политика околу големите национални прашања, како кипарското и спорот за името со нашата земја. Поконкретно, побарал од Ксидакис да го информира за насоката во која се движат македонско-грчките односи и да даде процена какви се можностите да се најде решение во текот на годината, посочувајќи дека решение за ова прашање би имало позитивен ефект и за двете држави, но и за Европа.

Ксидакис истакнал дека Грција сите овие години ја поддржува Македонија и финансиски и од секој друг аспект. Изјавил дека грчката влада сака и работи во насока на заеднички прифатливо решение. Како позитивно придвижување во односите меѓу Скопје и Атина, го споменал развивањето на дијалог меѓу шефот на грчката дипломатија, Никос Коѕиас, и македонскиот министер за надворешни работи, Никола Попоски, посочувајќи дека ваквата комуникација може да им донесе корист на двете страни.

За потсетување, Коѕиас и Попоски по неколкуте средби на странско тло, го скршија мразот и имаа средби и во Скопје и во Атина за да дискутираат за билатералните односи и за спроведувањето мерки за градење доверба.

Рот и Ксидакис се фокусирале и на бегалската криза, како еден од клучните проблеми што ја засегнуваат Европа. Грчкиот министер во разговорите посочил на важната функција што ја има грчката држава во оваа ситуација, посочувајќи дека Грција и практично ја покажала хуманитарната идеологија на Европа, спасувајќи повеќе од 100.000 бегалци.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...