fbpx

Германија ѝ порача на Србија: Треба да изберете меѓу ЕУ и Русија

-

Србија мора да се реши дали сака да влезе во ЕУ или сака да влезе во партнерство со Русија, порача Германија вчера, на само два дена пред шесте земји од Западен Балкан да се соберат на самит во Берлин за договарање поблиска соработка, јави Ројтерс.

„Потребата од донесување одлука излегува на површина, во светлината на геополитичките случувања. Спогодбата меѓу Србија и Русија за засилена соработка беше дочекана со изненадување и разочарување бидејќи не се вклопува во очекувањата за земјите -кандидатки за членство во ЕУ да ги воведат санкциите на ЕУ против Русија“, порача претставник на германската влада зборувајќи во контекст на војната во Украина.

Србија има кандидатски статус уште од 20212 година. Политичкото раководство на земјата во септември годинава договори редовни надворешно-политички консултации за билатерални и мултилатерални активности со Русија, што предизвика остри критики од ЕУ.

Германскиот владин претставник рече дека ако српскиот претседател Александар Вучиќ реши да ја води земјата во правец на Европската Унија, ќе ја има поддршката од германската влада.

„Ако тргне во спротивниот правец, тоа ќе има ретроградни последици“, предупреди тој.

Инаку, на самитот во Берлин утре, водачите од Западен Балкан треба да потпишат три договора, за взаемно признавање на личните карти, на универзитетските дипломи и на професионалните квалификации. Самитот организиран во Германија е во насока на зближување на Србија, Црна Гора, Босна и Херцеговина, Северна Македонија, Косово и Албанија во правец на декларираните заложби за приклучување на ЕУ во време кога има многу стравови од растечкото влијание на Русија и Кина во регионот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...