Припадници на граѓанското здружение ГДОМ, се појавија на протестот пред полициската станица „Беко“ со транспаренти против Мирјана Најчевска и Уранија Пировска, кои од утринава се таму на информативен разговор.
Полицискиот кордон ги спречи граѓаните од ГДОМ да се приближат до демонстрантите од „Шарената револуција“, а по малата вербална расправија со полицијата тие си отидоа.
Професорката Мирјана Најчевска утринава се појави на информативен разговор, а пред полициската станица „Беко“ во Скопје, го офарба влезот.
Неколку десетици граѓани се собраа пред станицата за да им дадат поддршка на Пировска и Најчевска и протестираа против полициските притисоци и сослушувања.
