Со детски цртежи со кои се промовира вдомувањето на миленици и дружба меѓу љубителите на животните денеска се одбележа четвртиот роденден на ЈП „Лајка“ Скопје.
На прославувањето на роденденот имаше и кучиња од стационарот кои долго време се сместени во „Лајка“ и на кои им се бара дом. Граѓаните имаа можност да донираат средства, а голем број посетители носеа и донации од храна, кебиња и јоргани кои се потребни за време на зимскиот период што следува.
Минатата година од „Лајка“ беа вдомени 364 бездомни кучиња. Во моментов, во стационарот има околу 180 кучиња кои го поминуваат хуманиот третман на стерилизација/кастрација, вакцинација против беснило како и прочистување од внатрешни и надворешни паразити. Дел од нив, обележани со маркица ќе бидат вратени на локациите од кои биле заловени, а на дел и понатаму ќе им се бара дом.
Сите граѓани кои сакаат да вдомат куче од стационарот, тоа може да го сторат преку е-маил адресата [email protected].
