Универзитетската клиника за гинекологија и акушерство (ГАК) доби нов простор за Дневна болница и сала за киретажа, што претставува современо опремен мини центар за изведување на абортуси.
„Центарот е опремен и со два гинеколошки стола, две машини за анестезија, со што значајно се зголемува капацитетот. Тука се изведуваат абортусите, со целосно опремени нови кревети. Дневна болница којашто ќе биде на располагање на сите пациентки на коишто им е потребна оваа интервенција“, потенцираше министерот за здравство, Венко Филипче во изјава за медиумите при посета на Клиниката.
Тој исто така најави почнување на постапка за набавка на современ хируршки апарат – роботска хирургија, кој ќе се користи најмногу од страна на експертите од областа на гинекологијата и специјалистите уролози.
