Поранешниот евроамбасадор во Македонија, Ерван Фуере, денеска им се приклучи на демонстрантите, кои традиционално својот протестен марш го почнуваат пред зградата на Специјалното јавно обвинителство.
– Ги поддржувам овие луѓе кои достоинствено протестираат против кршењето на владеењето на правото и повредата на човековите права, кои се случуваат во земјата – изјави поранешниот евроамбасадор.
Поранешниот Евроамбасадор Ерван Фуере се приклучи на протестот на #ШаренаРеволуција #П #Протестирам pic.twitter.com/FykXIx2a8r
— META.mk (@meta_agency) May 4, 2016
Фуере рече дека претседателот Ѓорге Иванов мора да ја повлече одлуката за аболиција, за СЈО да може да ја изврши својата задача, за која е формирано, а тоа е токму истражувањето и процесирањето на кривичните дела за корупција и за изборен криминал.
Според Фуере, невозможно е да се одржат избори во ваква ситуација, затоа што треба да се спроведат неопходните реформи, меѓу кои се и регулацијата на медиумите.
Во моментот додека тој даваше изјава, пред СЈО се појави специјалната обвинителка Катица Јанева, која бурно беше поздравена од насобраните граѓани.
Демонстрантите бурно ја поздравија специјалната обвинителка Јанева, која влезе во СЈО #ШаренаРеволуцуја #Протестирам pic.twitter.com/jIiN9DKUON
— META.mk (@meta_agency) May 4, 2016