И покрај ескалацијата на трговската војна со САД, кинеските извозници од градот Јиву — познат по масовното производство на евтини производи за извоз, од божиќни украси до кампањски капчиња со слоганите на Доналд Трамп — остануваат решени дека ќе ја надминат кризата, објави угледниот Фајненшл тајмс.
„Трамп сака да ни земе дел од колачот, но Кина возврати со свои тарифи и ќе победи,“ изјави за Фајненшл тајмс извозникот Кени Ќи, стоејќи зад пулт полн со МАГА маички. Тој верува дека американскиот претседател ќе попушти „за најмногу две недели“, откако Пекинг воведе контратацарини до 125 отсто.
Кинеската влада, со засилена националистичка реторика, се повикува на изјави на Мао Це Тунг за време на Корејската војна.
„Америка е само хартиган тигар. Едно боцкање, и ќе пукне“, гласи една од често цитирани фрази од Мао. Портпаролката на кинеското Министерство за надворешни работи обајви на социјалната мрежа X видео од говорот на поранешниот претседател на Народна Република Кина во кое тој ја кажува оваа реченица.
We are Chinese. We are not afraid of provocations. We don’t back down. 🇨🇳 pic.twitter.com/vPgifasYmI
— Mao Ning 毛宁 (@SpoxCHN_MaoNing) April 10, 2025
Освен тарифите, Пекинг најави и ограничувања за американски филмови, предупреди да не се патува и студира во САД, а државните медиуми известуваат за наводни „кризи со основни намирници“ во Америка, вклучително и „недостиг на јајца и масло“.
Ние Зицин, сопственичка на фабрика за хелоуин-декорации, вели дека ја изненадила и разочарала агресивната политика на Вашингтон, но одбила да ги намали цените за американските купувачи и покрај падот на нарачките и отпуштањата. „Ние Кинезите знаеме како да издржиме. Имаме навика да штедиме и да се жртвуваме кога е потребно“, вели таа.
Иако Јиву извезува и во Европа и во земјите во развој, поголемите производствени капацитети во други делови од Кина се соочуваат со поголеми ризици. Во фабриката на Фокскон во Џенгџоу, каде се склопуваат Ајфон уреди, работниците стравуваат од кратења. Епл веќе ги зголеми испораките на Ајфони од Индија кон САД за да го намали ризикот од кинеските царини.
Сепак, американскиот пазар останува незаменлив. „Тоа е најголемиот пазар на светот“, вели вработен во логистичка компанија од покраината Жеџијанг. „Можеме да диверзифицираме, но Америка останува клучна“, додаде тој.
Во знак на солидарност, производители од Јиву нудат помош на поголемите компании од други региони, отстапувајќи им ги своите клиенти од земјите во развој. Иако во минатото тие компании гледале со потценување на помалите извозници, сега бараат поддршка.
За Кени Ќи, производителот на МАГА-мерч, нема дилема.
„Купувачите на Трамп се подготвени да платат колку и да чини. Производ што чини 1 долар, со тарифи ќе биде 3, но во Америка се продава за 50 или дури 60 долари. На крај, трошокот го сносат американските потрошувачи“, вели тој.
.jpg){kind=link}